Tetesi za soka Ulaya leo Ijumaa, Machi 31, 2023

Admin March 31, 2023

Updated 2023/03/31 at 12:31 PM

Mourinho Apia uhakika Roma

Jose Mourinho ameiambia Roma kuwa anataka kuheshimu mkataba wake ambao utamuweka klabuni hapo hadi 2024. Kumekuwa na uvumi kwamba bosi huyo raia wa Ureno anataka kuihama klabu hiyo huku akihusudiwa na Paris St-Germain.

Chelsea watangaza dau la Mount

Miamba ya soka ya darajani London, Chelsea wametangaza kitita cha Pauni Milioni 70 (Tsh. Bilioni 202) kwa time inayotaka huduma ya kiungo wa kati wa time hiyo, raia wa Uingereza, Mason Mount (24) ambaye amebakiza mkataba wa mwaka mmoja kwenye klabu hiyo. Mount ameonyesha nia ya kujiunga na Bayern Munich ili aungane na meneja wake wa zamani wa Chelsea, Thomas Tuchel. Pia mabingwa hao wa Ujerumani, Bayern Munich wanakaribia kukamilisha dili la kumsajili kocha msaidizi wa Chelsea, Muingereza Anthony Barry.

Al Hilal wapanga kumsajili Messi

Klabu ya soka ya Saudi Arabia, Al Hilal imeonyesha nia ya kumsajili mshambuliaji wa Paris St-Germain na Argentina Lionel Messi (35) na kumfanya kuwa mchezaji anayelipwa pesa nyingi zaidi duniani. Klabu hiyo itakumbana na ushindani kutoka klabu ya Inter Miami inayoshiriki ligi kuu nchini Marekani ambayo nayo inataka kumsajili Messi sambamba na kiungo wa kati wa Barcelona na Hispania, Sergio Busquets (34).

Manchester United yakomaa na Harry Kane

Mashetani wekundu wa jiji la Manchester, Manchester United ado wanakomaa kuinasa saint ya mshambulizi wa Tottenham na time ya taiga ya Uingereza, Harry Kane (29). Klabu hiyo pia inawanyatia mshambuliaji wa Ajax, Mghana Mohammed Kudus (22) na mchezaji wa kimataifa wa Ureno na klabu ya Benfica Goncalo, Ramos (21).

Man Utd yashusha pumzi kwa de Jong

Matumaini ya Manchester United ya kumsajili kiungo wa kati wa Uholanzi Frenkie de Jong (25) yameongezeka baada ya klabu ya mchezaji huyo, Barcelona kuanza kusaka mbadala wake na macho yao yametua kwa kiungo wa kati wa Manchester City na Ujerumani, Ilkay Gundogan (32).

Leeds United wamtamani Vieira

Leeds United wameonyesha nia ya kutaka huduma ya meneja wa zamani wa Crystal Palace, Mfaransa Patrick Vieira msimu ujao ikiwa Javi Gracia anayekinoa kikosi bichon kwa muda ataamua kuondoka.