ARSENAL
Arsenal wamefikia makubaliano ya kumuongezea mkataba Bukayo Saka. Mkataba huo mpya utamalizika mwaka 2028
BORUSSIA DORTMUND
Baada ya kukamilisha usajili wa Kamada, klabu hiyo inamnyatia Ramy Bensebaini kama mchezaji huru. Dortmund wamekuwa wakimsaka mchezaji huyo kwa muda mrefu bila mafanikio
INTERNACIONAL
Mshambuliaji wa zamani wa West Ham na Everton, Enner Valencia anakaribia kujiunga na klabu ya Brazil ya Internacional kutoka Fenerbahce. Mchezaji huyo wa kimataifa wa Ecuador mwenye umri wa miaka 33 atakuwa huru mwisho wa msimu huu.
EVERTON
Klabu ya Everton imefanikiwa kumuongezea mkataba mlinda mlango wake Jordan Pickford.
CHELSEA
Mshambuliaji wa Ubelgiji Romelu Lukaku, 29, amegoma kurejea Chelsea baada ya muda wake wa mkopo katika klabu ya Inter Milan utakapokamilika mwishoni mwa msimu huu.
TOTTENHAM
James MaddisonTottenham wanaongoza katika harakati za kumsajili kiungo wa kati wa Leicester City na Uingereza, 26.
MANCHESTER UNITED
Man United wanapanga kumpa mkataba mpya wa muda mrefu mshambuliaji wao kinda raia wa Argentina, Alejandro Garnacho. Mkataba wa mchezaji huyo mwenye umri wa miaka 18 unamalizika msimu ujao wa 2024. Katika mkataba huo mpya klabu inataka kumuongezea mshahara.
