Mkakati huo utasaidia kukitangaza kituo cha AICC pamoja na kuliteka soko na kurejesha hadhi ya kituo hicho cha mikutano cha Kimataifa .
Aidha Mkurugenzi Mafuru ameahidi kufanya uwekezaji mkubwa utakaoendana na mahitaji ya soko katika kituo hicho ili kurejesha heshima iliyopotea katika kituo hicho.
NA MWANDISHI WETU, ARUSHA
MKURUGENZI Mtendaji Mpya wa Kituo cha Mikutano cha Kimataifa cha Arusha (AICC), Ephraim Mafuru amesema miongoni mwa mikakati yake ni kukiuza kituo cha AICC kama kifurushi.
Mkakati huo utasaidia kukitangaza kituo cha AICC pamoja na kuliteka soko na kurejesha hadhi ya kituo hicho cha mikutano cha Kimataifa .
Aidha Mkurugenzi Mafuru ameahidi kufanya uwekezaji mkubwa utakaoendana na mahitaji ya soko katika kituo hicho ili kurejesha heshima iliyopotea katika kituo hicho.
Mafuru amesema uongozi wake utajiwekea malengo ili kukitangaza vizuri kituo hicho kimataifa.
Mafuru ameyasema hayo mbele ya waandishi wa habari wakati alipokuwa akiripoti kwenye kituo chake kipya cha kazi na kusisitiza kurudisha imani ya wateja wa zamani wa AICC.
Amesema kituo cha mkutano cha AICC kitazindua idadi ya huduma mpya na za kipekee kwa lengo la kuvutia wateja mbalimbali kwenye kituo cha mikutano
Pia kutakuwa na uwekezaji mkubwa kwenye kituo cha mkutano ili kukidhi mahitaji na mahitaji yanayobadilika kila mara, kwa kadiri huduma ya mkutano inavyohusika.
“Hii itakuwa fursa ya kipekee ya kukitangaza kituo hichi na hatimaye kuuza AICC kama kifurushi,”
Mbali ya hayo Mafuru amefafanua kuwa , katika orodha yake ya mambo ya kufanya itakuwa ni kuwasiliana na wamiliki wa hoteli na waendeshaji watalii kwa lengo la kuimarisha matarajio ya utalii wa mikutano.
“Tumedhamiria kuwabakisha wateja wetu ambao walitafuta huduma zinazohusiana na mkutano mahali pengine, lengo letu pekee ni kuona AICC inarudi pale ilipokuwa kwa miaka mingi,”
Kwa mujibu wa Mkurugenzi huyo, AICC ilikuwa na faida nyingi zaidi kwa wakazi wa Arusha, lakini iliathiriwa na sekta ya utalii baada ya kukumbwa na janga la uviko 19
